कायदेशीर मार्गदर्शनाबाबत महत्त्वाची सूचना

न्याय विश्वास फाउंडेशनमार्फत प्राथमिक कायदेशीर माहिती आणि मार्गदर्शन दिलं जातं. फाउंडेशन स्वतः कोणतंही प्रकरण स्वीकारत नाही किंवा कोणाच्याही वतीने न्यायालयात हजर राहत नाही. आवश्यक असल्यास पुढील कायदेशीर मदतीसाठी उपलब्ध पर्याय समजावून सांगितले जातात.

न्याय विश्वास फाउंडेशनशी किंवा फाउंडेशनच्या उपक्रमांमध्ये सहभागी असलेल्या वकिलांशी संपर्क साधल्याने आपोआप वकील आणि अशील यांच्यातील औपचारिक संबंध निर्माण होत नाहीत. कोणत्याही प्रकरणात औपचारिक कायदेशीर प्रतिनिधित्वासाठी स्वतंत्र मूल्यांकन आणि स्पष्ट लेखी करार आवश्यक असतो.

एखाद्या प्रकरणात कोणत्या प्रकारचं मार्गदर्शन किंवा मदत देता येईल, हे त्या प्रकरणाचं स्वरूप, ठिकाण, लागू असलेल्या मुदती, अधिकारक्षेत्र आणि संबंधित तज्ज्ञांच्या उपलब्धतेवर अवलंबून असतं. फाउंडेशन कोणत्याही निकालाची हमी देत नाही.

फाउंडेशनने एखाद्या विशिष्ट बाबीची जबाबदारी लेखी स्वरूपात स्पष्टपणे स्वीकारलेली नसेल, तर कायदेशीर किंवा न्यायालयीन मुदतींची काळजी घेण्याची जबाबदारी संबंधित व्यक्तीची राहते.

आवश्यक असल्यास फाउंडेशन एखाद्या व्यक्तीला बाहेरील वकील, सरकारी विभाग किंवा इतर योग्य संस्थेकडे जाण्याचा पर्याय सुचवू शकते. अशा परिस्थितीत पुढील सेवा किंवा कार्यवाहीची जबाबदारी संबंधित व्यक्ती आणि त्या वकील, विभाग किंवा संस्थेची राहते.

न्याय विश्वास फाउंडेशन ही आपत्कालीन सेवा नाही. तातडीचा धोका असल्यास 112 वर पोलिसांशी किंवा संबंधित आपत्कालीन सेवेशी संपर्क साधा.

या माहितीसंदर्भात काही प्रश्न असल्यास help@nyayvishwas.com वर आम्हाला लिहा.